Ki nou yè?

Nou sé dé moun ki tini pasyon a lang é kilti, men osi sitou dé moun ki ka pratiké tout kalité kominikasyon dépi lontan.

Lang nou pisimyé palé sé alman, kreyol é fwansé.

Espèrians a chak mamb a ékip an-nou adan tourism, lédikasyon é zafè entewnasional ka ban nou on bel fòs kifè nou ka pansé nou kapab ofri kompetans an-nou a tout moun ki vlé é prensipalman a moun Almay, Gwadloup e Fwans. Almay épi Gwadloup, sé bel lyannaj an-nou, sé on fòs kiltirel, lengwistik épi imèn, é nou sav ké ni pi plis moun chak jou ki ka suiv fil-lasa.

Evé koudmen a zot tout, moun Gwadloup é moun Almay, misyon a lasosiasyon an-nou, sé fè pwomosyon a bokantaj ant Gwadloup é Almay, notaman adan domèn fomasyon, kilti, lang épi tourizm, é, parkonsékan, sé fasilité konkrètman akey é lentegrasyon a sé dè popilasyon-lasa kotésit é lotbò.